कृषि विकास बैंकले माग्याे प्रमुख कार्यकारी अधिकृतकालागि आवेदन, ४ लाख भन्दा बढि तलब दिइने
काठमाडौं । कृषि विकास बैंकले प्रमुख कार्यकारी अधिकृतको पदकालागि आवेदन खुला गरेको छ । सोमबार एक सूचना जारी गर्दै बैंकले सीईओ माग गरेको हो ।
तत्कालिन सीईओ अनिल उपाध्यायले कार्यकाल पुरासँगै बैंकले सीईओकालागि आवेदन माग गरेको हो । कार्यकारी प्रमुखको नियुक्तिकालागि व्यवस्थापन, बैकिङ, वित्तिय , मौद्रिक, अर्थशास्त्र, वाणिज्यशास्त्र, लेखाशास्त्र, तथ्यांकशास्त्र, लेखा, गणित, व्यापार प्रशासन र कानून शास्त्र लगायतका विषयमा स्नात्तकोत्तर गरेको हुनुपर्ने सूचनामा उल्लेख गरिएको छ । चार्टर्ड एकाउण्टेसी वा व्यवस्थापन, बैकिङ, वित्तिय, मौद्रिक, अर्थशास्त्र लगायतका केहि विषयमा स्नातक उत्तिर्ण गरेकाले पनि आवेदन दिन सकिनेछ तर बैकिङ तथा वित्तीय क्षेत्र, सरकारी निकाय, संगठित संस्था वा विश्वविद्यालयमा अधिकृत सोसभन्दा माथिको पदमा १० वर्षको काम गरेको अनुभव हुनुपर्नेछ ।
प्रमुख कार्यकारी अधिकृतकालागि करारमा उल्लेख भए बमाेजिमका सर्तहरूका आधारमा मासिक पारिश्रमिक चार लाख रूपैयाँ र प्राेत्साहन रकम तथा अन्य सुविधाहरू पनि दिइनेछ ।
कृषि विकास बैंकले प्रमुख कार्यकारी अधिकृतको पदकालागि आवेदन दिनकालागि सूचनामा थप हेर्न सकिने बैंकले जानकारी दिएकाे छ ।
