बैङ्क–वित्त / बीमा

काठमाडौं (आपास) । सिटिजन्स बैङ्कले अन्तरराष्ट्रिय वातावरण दिवसको अवसरमा वृक्षरोपण कार्यक्रम सञ्चालन गरेको छ । नेपाल राष्ट्र बैङ्कले अवलम्बन गरेको ‘एक कर्मचारी एक फलफूलको बिरुवा’नीतिलाई सहयोग गर्ने उद्देश्यले बैङ्कले आफ्नो कार्यालयको प्राङ्गणमा वृक्षरोपण कार्यक्रम गरेको हो ।

इटहरी । नेपाल पर्यटन बोर्डको आयोजनामा धरानमा ३ दिने ‘इष्ट टुरिजम मार्ट–२०१८’ सञ्चालन हुने भएको छ । धरान उपमहानगरपालिकाको संयोजनमा हन लागेको उक्त मार्ट प्रदेश १ को पर्यटन प्रवद्र्धन गर्ने उद्देश्यले भोलि बिहीवारदेखि सञ्चालन हुने आयोजकले बताएका छन् ।

काठमाडौं (आपास) । विश्व वातावरण दिवसको अवसरमा एभरेष्ट बैङ्कले वृक्षरोपण गरेको छ । बैंकले काठमाडौं महानगरपालिका–३ र पीडीएसएसको समन्वयमा लाजिम्पाटदेखि महाराजगञ्जसम्म दुवैतर्फ सडक किनारामा वृक्षरोपण गरेको हो ।

काठमाडौं (आपास) । हिमालयन जनरल इन्स्योरेन्सले अन्तरकर्मचारी फुटसल प्रतियोगिता सम्पन्न गरेको छ । कम्पनीको २५औं वर्ष प्रवेशका अवसरमा वर्षभर नै विभिन्न कार्यक्रम गर्ने योजनाअनुरूप आयोजना गरिएको उक्त प्रतियोगितामा कम्पनीका ५० भन्दा वढी कर्मचारीले भाग लिएका थिए ।

काठमाडौं (आपास) । मुक्तिनाथ विकास बैङ्क र आईएमई लाइफ इन्स्योरेन्सबीच हालै एक सम्झौता भएको छ । दुवै संस्थाबीत बैङ्कासुरेन्स सेवा प्रदान गर्नेसम्बन्धी सम्झौता भएको हो ।

काठमाडौं (आपास) । नेपाल बैङ्क लिमिटेडले काठमाडौंको महाराजगञ्ज, कोटेश्वर र जोरपाटीमा नयाँ शाखा सञ्चालनमा ल्याएको छ । बैङ्कको महाराजगञ्ज शाखाको काठमाडौं महानगरपालिकाका उपप्रमुख हरिप्रभा खड्गी श्रेष्ठ, जोरपाटी शाखाको गोकर्णेश्वर नगरपालिकाका प्रमुख सन्तोषकुमार चालिसे तथा नेपाल बैङ्कका नायब कार्यकारी अधि