एनआईसी एशिया बैंकको नाफा ९१.८१ प्रतिशतले घट्यो
काठमाडौं । चालु आर्थिक वर्षको नौ महिनामासम्ममा एनआईसी एशिया बैंकको नाफा ९१.८१ प्रतिशतले घटेर १५ करोड ६७ लाख ७५ हजार रुपैयाँ रहेको छ । यस्तो नाफा गत आवको सोही अवधिमा १ अर्ब ९१ करोड ४८ लाख ९१ हजार रुपैयाँ रहेको थियो ।
बैंकको खुद ब्याज आम्दानी २.७६ प्रतिशतले घटेर ७ अर्ब ९६ करोड २५ लाख १९ हजार रुपैयाँमा रहेको छ । यस्तै सञ्चालन नाफा ६४.४० प्रतिशतले घटेर १ अर्ब २९ करोड ५ लाख रुपैयाँ रहेको छ ।
चैत मसान्तसम्म बैंकको वितरणयोग्य नाफा ३ अर्ब ५६ करोड ९२ लाख २ हजार रुपैयाँ ऋणात्मक छ ।
२ खर्ब ९४ अर्ब ६ करोड १ लाख २९ हजार रुपैयाँ निक्षेप संकलन गेको बैंकले २ खर्ब ३३ अर्ब ४३ करोड ४३ लाख २१ हजार रुपैयाँ कर्जा प्रवाह गरेको छ ।
बैंकको खराब कर्जा ०.१६ प्रतिशतले बढेर १.९२ प्रतिशत रहेको छ । प्रतिसेयर आम्दानी १ रुपैयाँ ४१ पैसा रहेको बैंकको प्रतिसेयर नेटवर्थ १९९ रुपैयाँ ३० पैसा छ।
