पितृसत्तात्मक पुरातनवादी सोच तोड्दै महिला सशक्तीकरण मार्फत झण्डा फहराउँदैः पञ्चकन्या समूह
काठमाडौँ । साहसीक कार्य गर्ने प्रयासलाई सशक्त बनाउने आफ्नो अटुट प्रतिबद्धताको एक हिस्साको रूपमा, पञ्चकन्या समूहले गर्वका साथ कविता नेपाली–एक प्रसिद्ध फिटनेस आइकन, र कलाकार–को मिति २०८१।१२।३० गतेदेखी प्रारम्भ हुने महत्वाकांक्षी एभरेस्ट र लोत्से हिमालको आरोहण हुने भएको छ ।
आफ्नो संस्थागत सामाजिक उत्तरदायित्व (CSR) पहल अन्तर्गत पञ्चकन्या समुहले कबिता नेपालीको मिसनमा हातेमालो गर्ने गरी आर्थिक सहयोग गरेको छ । यो सामाजिक कार्यमा गरेको सहयोग, उनलाई एक कलाकारको रूपमा मात्र नभई उहाको बहुआयामिक प्रतिभा र राष्ट्रिय गौरवको प्रतीकको रूपमा गरेको कम्पनीका प्रबन्ध निर्देशक प्रदिप कुमार श्रेष्ठले बताउनु भएको छ । सन् २०१८ मा बुगी वुगी इन्टरनेसनल नृत्य प्रतियोगिता तथा चिनियाँ मार्सल आर्टमा समेत अब्बल भई सफलता हासिल गरिसकेको अनुभवलाई शिरोपर गर्दै कविताले अब हिमालयमा एउटा पुस्ताको आशा र नेपाली महिलाहरूको स्थायी शक्तिलाई लिएर जाने विश्वास कम्पनीले लिएको छ ।
उचाइको विरासत
यो साझेदारीले पञ्चकन्या समुहले लामो समयदेखि विभिन्न विशिष्ट क्षेत्रहरुमा नयाँ उचाइ चुम्न प्रयासरत नेपाली महिलाहरूलाई सहयोग गर्ने परम्पराको निरन्तरता रहेको छ । यस समुहले सन् २०१३ मा माउन्ट किलिमान्जारोमा आरोहण गर्ने सेभेन समिट्स महिला टोलीको समूहलाई आफनो कम्पनी सुरुवात भएको ४० औँ वार्षिकोत्सवको अवसरमा सार्वजनिक ब्यानर सो हिमालको चुचुरोमा पुयाएको थियो ।
यहि सिलशिलामा एभरेष्ट आरोहण गर्ने अठोट राखेका साहसी नेपाली महिला निशा अधिकारी, डाक्टर प्रिती भुसाल तथा व्यवसायिक पत्रकारिता गर्ने हिम्मतीला पाँच नेपाली महिला पत्रकारहरुले पितृसत्तामक पुरातनवादी सोचलाई भत्काउँदै नेपाललाई विश्व मन्चमा प्रतिनिधित्व गर्दै नेपालको गौरव राख्न ठुलो भुमिका खेल्नु भएको छ ।
