दुर्गेश थापाको कन्सर्टमा आईएमई पे र खल्तीबाट टिकट काट्न सकिने
काठमाडौं । आगामी १८ वैशाखमा गायक दुर्गेश थापाको काठमाडौंमा पहिलो लाइभ कन्सर्ट हुँदैछ । होटल ह्यात ग्राउन्ड बौद्धमा हुन गइरहेको कन्सर्टको टिकट डिजिटल वालेट खल्ती र आइएमई पे जुनसुकै प्लेटफर्मबाट लिन सकिने छ ।
आयोजक ट्राइएङ्गल इन्कसँग साझेदारी गर्दै खल्ती र आइएमई पेले प्रयोगकर्ताहरूलाई अनलाइन मार्फत सजिलै टिकट लिन सकिने सुविधा उपलब्ध गराएको जनाएको छ ।
दर्शकहरूले आफ्नो प्रवेश टिकट आइएमई पे तथा खल्ती एपको ‘इभेन्ट्स’ सेक्सनबाट लिन सक्नेछन् । दर्शकले
कन्सर्टका लागि फ्यानपिट, सिल्भर र गोल्ड टिकटमध्ये एक छनोट गर्न सक्ने कम्पनीले जनाएको छ ।
गायक थापाले आफ्ना अत्यन्तै चर्चित गीतहरू प्रस्तुत गर्नेछन् भने अन्य विभिन्न गायत तथा कलाकारको मनोरञ्जनात्मक प्रस्तुति पनि हुनेछ ।
