जीवन बिमा कम्पनीहरुले ८ महिनामा गरे १ खर्ब ९ अर्बको व्यापार

फागुन मसान्तसम्म बिमा शुल्क संकलनको हिसाबले नेपाल लाइफ इन्सुरेन्स अग्रस्थानमा रहेको छ । नेपाल लाइफले माघसम्म २९ अर्ब ३९ करोड ८९ लाख रुपैयाँ बिमा शुल्क संकलन गरेको छ । दोस्रो स्थानमा रहेको नेसनल लाइफले १३ अर्ब ६२ करोड ८४ लाख रुपैयाँ कुल बिमा शुल्क आर्जन गरेको छ । त्यस्तै, तेस्रामा एलआइसी नेपालले १२ अर्ब ५६ करोड ५ लाख रुपैयाँ  कुल बिमा शुल्क आर्जन गरेको छ । 

 

फागुन महिनामा मात्रै १४ जीवन बिमा कम्पनीहरुले १३ अर्ब ३२ करोड ४७ लाख रुपैयाँ बराबरको व्यापार गरेका छन् । प्राधिकरणले सार्वजनिक गरेको तथ्यांक अनुसार फागुनमा १४ वटा जीवन बिमा कम्पनीहरुले १ खर्ब ४६ अर्ब २३ करोड ४ लाख रुपैयाँ बीमांक रकम बराबरको ४ लाख १९ हजार २५३ वटा बिमा लेख बिक्री गरेका छन् । यस्तै, ३ वटा लघु जीवन बिमा कम्पनीहरुले फागुनमा मात्रै ९ करोड ९३ लाख रुपैयाँ बराबरको व्यापार गरेका छन् भने ४६ हजार ९९७ वटा बिमा लेख जारी गरेका छन् ।