राजधानी दैनिक प्रतिष्ठान शाखाको कार्यसमिति गठन प्रक्रिया बारे मिडिया एलायन्सको आपत्ति
काठमाडौं । राजधानी दैनिक प्रतिष्ठान शाखाको कार्यसमिति गठन प्रक्रियाबारे मिडिया एलायन्सले आपत्ति जनाएको छ । सम्बन्धित सञ्चार प्रतिष्ठानलाई कुनै पनि जानकारी नगराई, सञ्चार प्रतिष्ठानसँग आबद्ध नभएका व्यक्तिहरूले मनपरी ढंगले कार्यसमिति निर्माण गरेको विज्ञेप्तिमा उल्लेख छ । नेपाल पत्रकार महासंघको २७ औं महाधिवेशन २८ गते अर्थात आज शुक्रबार हुँदैछ ।
नेपाल पत्रकार महासंघको २७औं महाधिवेशनबाट पारित निर्णयअनुसार २८ गते हुने निर्वाचनका लागि भनी नेपाल पत्रकार महासंघ प्रतिष्ठान शाखाको कार्यसमिति गठन गर्ने क्रममा राजधानी दैनिक प्रतिष्ठान शाखाको कार्यसमिति गठन प्रक्रियाबारे सम्बन्धित सञ्चार प्रतिष्ठानलाई कुनै पनि जानकारी नगराई, सञ्चार प्रतिष्ठानसँग आबद्ध नभएका व्यक्तिहरूले मनपरी ढंगले कार्यसमिति निर्माण गरेको सम्बन्धमा यस मिडिया एलायन्स नेपाललाई जानकारीसहित ध्यानाकर्षण हुन आएको छ ।
नेपाल पत्रकार महासंघलाई यसअघि पनि सो सम्बन्धमा जानकारी गराएको बताइएको छं । सञ्चार प्रतिष्ठानसँग कुनै पनि किसिमको सहकार्यबिना र आबद्ध नभएका व्यक्तिहरुको सहभागितामा गठन भएको नेपाल पत्रकार महासंघ प्रतिष्ठान शाखालाई मिडिया एलायन्स आबद्ध कुनै पनि सञ्चार प्रतिष्ठानले मान्यता दिन बाध्य नहुने पनि मिडिया एलायन्सले प्रस्ट पारेको छ ।
नेपाल पत्रकार महासंघको यही मंसिर २८ गते हुने २७औं महाधिवेशनको पूर्ण सफलताका साथ सम्पन्न गर्नका लागि मिडिया एलायन्सले शुभकामना दिँदै सञ्चार उद्योग क्षेत्रलाई अझै व्यवस्थित र व्यावसायिक बनाउन सधैं नेपाल पत्रकार महासंघसँग समन्वय, सहयोग र सहकार्य गर्न तयार रहेको विज्ञेप्तीमा उल्लेख गरिएकको छ ।
