बैंक अफ द ईयर २०२४ को अवार्ड सिटिजन्स बैंकलाई

काठमाडौँ । सिटिजन्स बैंक इन्टरनेसनल लिमिटेड विश्वको प्रतिष्ठित बैंक अफ द ईयर २०२४ को अवार्डबाट लन्डनमा सम्मानित भएको छ । संयुक्त अधिराज्य (युके) अवस्थित द फाइनान्सियल टाइम्सले डिसेम्बर ४ मा आयोजना गरेको एक कार्यक्रमका बिच बैंकलाई अवार्ड प्रदान गरेको हो । 

बैंक सञ्चालक समितिका अध्यक्ष प्रबल जङ्ग पाण्डे र बैंकका प्रमुख कार्यकारी अधिकृत गणेश राज पोखरेलले बैंकको प्रतिनिधित्व गर्दे सम्मान ग्रहण गरेका थिए ।  अध्यक्ष पाण्डेले अवार्ड बैंकले प्राप्त गर्न सफल भएकोमा अत्यन्त गौरवान्वित महसुस गरेको र यसबाट आगामी दिनमा अझ उत्कृष्ट प्रविधिमैत्री आधुनिक बैङ्किङ सेवा सुविधा ग्राहकहरूमाझ ल्याउनको लागि हौसला मिलेको बताए ।

त्यसै गरी बैंकका प्रमुख कार्यकारी अधिकृत पोखरेलले यस अवार्डको प्राप्ती सम्पूर्ण सरोकारवाला निकायहरूको सहयोग एवं कर्मचारीहरूको अहोरात्र मेहनतबाट सम्भव भएको बताए ।