नेपाल प्रिमियर लिगः काठमाडौँ गुर्खाज भर्सेस चितवन राइनोज र जनकपुर बोल्ट्स भर्सेस कर्णाली याक्स खेल हुने
काठमाडौं । मंसिर १७ गते, सोमबार, नेपाल प्रिमियर लिग अन्तर्गत दुई खेल हुँदैछ। यस दिन पहिलो खेल काठमाडौँ गुर्खाज र चितवन राइनोज बीच हुनेछ भने दोस्रो खेल जनकपुर बोल्ट्स र कर्णाली याक्स बीच हुनेछ।
यस दिन बिहान सवा ९ बजे बागमती प्रदेशका दुई टोली काठमाडौँ गुर्खाज र चितवन राइनोज एक आपसमा भिड्नेछन्। यी दुबै टोलीका कप्तान राष्ट्रिय टोलीका खेलाडी हुन्। काठमाडौँको कप्तानी करण केसीले गर्नेछन् भने चितवनका कप्तान कुशल मल्ल हुन्।
त्यस्तै, लिगको पहिलो खेल जितेको जनकपुर बोल्ट्सको सामना कर्णाली याक्सले गर्दैछ। यी दुई बीचको खेल दिउँसो सवा १ बजे शुरु हुनेछ।
