निसानले ल्यायो ‘निसान फेस्टिभ डिल’, नयाँ गाडी किन्दा १५ लाखसम्म छुट

काठमाडौं । नेपालका लागि निसान गाडीको आधिकारिक वितरक पायोनियर मोटो कर्पले ‘निसान फेस्टिभ डिल’ योजना सार्वजनिक गरेको छ ।

यस योजना अन्तर्गत निसानका गाडीहरू (निसान म्यागनाइट, निसान किक्स, निसान नाभारा, निसान लिफ र निसान एक्स–ट्रेल) खरिद गर्ने ग्राहकहरूले विशेष छुट पाउनेछन् ।

नजिकिँदै गरेको नेपालीहरूको महान चाडपर्वलाई लक्षित गरी विशेष छुट योजना सार्वजनिक गरिएको र यो योजना चाडपर्व अवधिभरि लागू हुने कम्पनीले जनाएको छ ।

कम्पनीका अनुसार यस योजना अन्तर्गत निसान गाडी बुकिङ गर्ने ग्राहकलाई १ वर्षको गाडी बीमा, ३ वर्षको सडक कर र ३ वर्षको सर्भिसिङ निःशुल्क उपलब्ध गराइने छ । यसैगरी ३ वर्षको वारेन्टी र १५ लाख रुपैयाँसम्मको छुट उपलब्ध हुनेछ ।