इस्कोनद्वारा बुढानीलकण्ठमा श्रीकृष्ण जन्माष्टमी महामहोत्सव भव्यताका साथ आयोजना
काठमाडौँ। श्रीकृष्ण जन्माष्टमी अवसरमा नेपाल अन्तर्राष्ट्रिय कृष्णभावनामृत संघ (इस्कोन) ले कृष्ण जन्मोत्सव मनाएको छ ।
सोमबार बुढानीलकण्ठस्थित श्रीश्री राधागोविन्दहरि मन्दिरमा श्रीकृष्ण जन्माष्टमी महोत्सवका अवसरमा आयोजना गरिएको कार्यक्रममा विश्व प्रख्यात गुरुद्वय श्रद्धेय स्वामी पत्रीदास एवम् श्रद्धेय रुपेश्वर गौर दासद्वारा युवा वर्गमाझ आध्यात्मिक तथा सांस्कृतिक जागरणका निमित्त विशेष प्रवचन आयोजना गरिएको थियो ।
महोत्वसमा प्रधानन्यायाधीश विश्वम्भरप्रसाद श्रेष्ठ, पूर्व राष्ट्रपति विद्यादेवी भण्डारी, रक्षामन्त्री मानविर राई, पर्यटनमन्त्री बद्रीप्रसाद पाण्डे, वातावरणमन्त्री ऐनबहादुर शाही ठकुरी, सिँचाइमन्त्री दिपक खड्का, नेपाल सरकारका मुख्यसचिव लीलादेवी गड्तौला र प्रहरी महानिरीक्षक बसन्तबहादुर कुँवर सहभागी हुनु भएको थियो ।
