‘छक्का पञ्जा–५’ को ‘बिहे भाको छैन’ सार्वजनिक (भिडियो)
काठमाडौं । यो वर्षको दशैँमा प्रदर्शन हुने नयाँ नेपाली फिल्म ‘छक्का पञ्जा–५’ को नयाँ गीत ‘बिहे भाको छैन’ सार्वजनिक भएको छ । सोमबार साँझ ६ः०५ बजे ओएसआर डिजिटलको युट्युब च्यानलबाट यो गीत सार्वजनिक गरिएको हो ।
यो गीतमा सुबिन सुवेदी तथा बेनिशा पौडेलको स्वर छ भने दीपक शर्माले यसलाई संगीतवद्ध गरेका छन् । दीपक राज गिरी र संगीतकार शर्माले यो गीत रचना गरेका हुन् ।
गीतमा दीपकराज गिरी तथा वर्षा सिवाकोटीलाई फिचर गरिएको छ । गीतको भिडियोमा सुनिल क्षेत्रीको कोरियोग्राफी छ ।
गीतको भिडियोमा दीपक र वर्षालाई विभिन्न हाउभाउ र गेटअपमा प्रस्तुत गरिएको छ । उनीहरु राजा–राजीको भेषभुषादेखि सरकारी कर्मचारी हुँदै क्लब पुगेका युवा–युवतीको चरित्रमा समेत देखिएका छन् । गीतको अन्त्यमा माग्ने बुढो अर्थात केदार प्रसाद घिमिरेलाई रोमाञ्चक इन्ट्रि गराइएको छ । लोकलयमा आधारित यो गीतका मौलिक शब्दले दर्शकको मन जित्न सक्ने सम्भावना छ ।
