हिमालयन बैंकको पिडारी चोक र सुनाकोठीमा नयाँ शाखा
काठमाडौं । हिमालयन बैंक लिमिटेडले धनुषाको जनकपुरस्थित भानुचोकमा रहेको शाखालाई पिडारी चोक र ललितपुरको जाउलाखेलमा रहेको शाखालाई सुनाकोठीमा स्थानान्तरण गरेको छ ।
सिभिल बैंकलाई प्राप्ति गरेपछि नजिक भएका शाखा सञ्जाल स्थानन्तरण गर्ने क्रममा ती दुई शाखालाई नयाँ स्थानमा स्थानन्तरण गरी सेवाग्राहीलाई बैंकिङ सेवा दिन सुरु गरिएको हिमालयन बैंकले जनाएको छ ।
बैंकले ललितपुरको जाउलाखेल शाखालाई ललितपुर महानगरपालिका-२७ स्थित सुनाकोठीमा स्थानान्तरण गरेको छ ।
पिडारी चोक शाखाको शुभारम्भ बैंकका मधेश प्रदेशका प्रदेश प्रमुख सागरकुमार रेग्मीले गरेका थिए भने सुनाकोठी शाखाको शुभारम्भ बैंकका सहायक प्रमुख कार्यकारी अधिकृत विपिन हाडाले गरेका थिए ।
२७ साउनदेखि नयाँ शाखाबाट सेवाग्राहीलाई बैंकिङ सेवा दिन थालिएको बैंकको भनाइ छ ।
