‘बिग बोस १८’ लाई पनि सलमानले होस्ट गर्ने, नोभेम्बरदेखि प्रसारण
![Salman-Khan Salman-Khan](https://www.arthikpati.com/wp-content/uploads/2024/07/Salman-Khan-960x650.jpg)
काठमाडौं । अहिले दर्शक ‘बिग बोस ओटीटी ३’ को मजा लिइरहेका छन् । अरमान मलिक, कृतिका, शिवानी कुमारी, लभ कटारियादेखि विशाल र नेजीका प्रतिस्पर्धीले दर्शकलाई मनोरञ्जन दिन कुनै कसर बाँकी राखेका छैनन् ।
‘बिग बोस ओटीटी ३’ ले चाँडै नै विजेता पाउने छ । यसैबीच ‘बिग बोस १८’ को बारेमा पनि चर्चा सुरु भएको छ । यस कार्यक्रमको पहिलो सहभागीका रुपमा चर्चित टिभी स्टारको नाम बाहिर आएको छ ।
सलमान खानको नाम पनि बिग बोससँग जोडिने भइहाल्यो । किनभने उनले लगातार शो होस्ट गर्दै आइरहेका छन् । दर्शक पनि उनलाई हेर्न चाहन्छन् ।
अहिले नयाँ सिजन ‘बिग बोस १८’ को चर्चाले तीव्रता पाएको बेला होस्टका रुपमा उनको नाम आइरहेको छ । यसअघि बिग बोसको आगामी सिजन उनले होस्ट नगर्ने भनिएको थियो । यतिबेला सलमान पनि देखिने कुरा छ ।
अक्टोबरमा सुरु हुने ‘बिग बोस १८’ को पहिलो सहभागीको नाम पनि सार्वजनिक भएको छ । अहिले यसको तयारी तीव्र रुपमा भइरहेको छ । पहिलो सहभागीको नाम पनि सार्वजनिक भएको छ । यसअघि बिग बोसको विजेता बनेकी दीपिका कक्कडका पति शोएब इब्राहिम पहिलो सहभागी बनेका छन् ।
कक्कडले ‘बिग बोस १२’ जितेकी थिइन् । शोएब पछिल्लो पटक ‘झलक दिखला जा ११’ मा देखिएका थिए । यस कार्यक्रमका लागि धेरै लोकप्रिय सेलिब्रेटीलाई सम्पर्क गरिएको छ, तर तिनीहरूमध्ये धेरै अझै पुष्टि भएका छैनन् । ‘बिग बोस १८’ ५ अक्टोबर २०२४ देखि प्रिमियर हुनसक्ने बताइएको छ ।