इलन मस्कलाई पछि पार्दै जेफ बेजोस बने सर्वाधिक धनी व्यक्ति
काठमाडौं । अमेजनका संस्थापक तथा प्रमुख कार्यकारी अधिकृत जेफ बेजोसले टेस्लाका संस्थापक इलन मस्कलाई संसारको सबैभन्दा धनी व्यक्ति बन्ने दौडमा पछि पारेका छन् । सोमबार अर्बपति बेजोसको नेटवर्थ २ खर्ब ६ अर्ब डलर पुगेपछि सर्वाधिक धनी व्यक्तिहरुको सूचीमा पहिलो स्थानमा आएको ब्लुमबर्ग बिलिनियर इन्डेक्सले उल्लेख गरेको छ ।
टेस्लाको सेयर भाउमा गिरावट आएपछि मस्क ब्लुमबर्गको अर्बपतिहरुको सूचीमा दोस्रो स्थानमा झरेका छन् । उनको नेटवर्थ भने २ खर्ब ३ अर्ब डलर कायम भएको छ । उनको सम्पति १ वर्षमा २५ अर्ब ७० करोड डलरले घटेको हो । यता, बेजोसको भने १ वर्षमा कुल नेटवर्थ २९ अर्ब ३० करोड डलरले बढेको छ ।
