सङ्गठित पार्टी सदस्यताबारे छलफल गर्न जसपाको सङ्गठन विभागको बैठक जारी
![kendriya samiti baithak photo kendriya samiti baithak photo](https://www.arthikpati.com/wp-content/uploads/2024/03/kendriya-samiti-baithak-photo-1024x610-1024x585.jpg)
काठमाडौँ । जनता समाजवादी पार्टी (जसपा) नेपालको केन्द्रीय सङ्गठन विभागको बैठक बसेको छ । सङ्गठित पार्टी सदस्यता बितरण र नवीकरणको अवस्थाबारे छलफल गर्न विभागको बैठक अहिले पार्टी कार्यालय बालकुमारीमा बसिरहेको छ ।
जसपाले सङ्गठित पार्टी सदस्यता वितरण वा नवीकरणको लागि मातहत समिति र सङ्गठनलाई चैत्र १० सम्मको समयसीमा तोकेको थियो । बैठकले पार्टी समिति र सङ्गठनबाट बितरण र नवीकरण भई आएका सङ्गठित पार्टी सदस्यताबारे जानकारी लिने र त्यसउपर आवश्यक जाँचबुझ गर्नेबारे छलफल गर्ने छ ।
जेठ २८ गतेदेखि पार्टीको प्रथम राष्ट्रिय महाधिवेशन गर्न लागेको जसपाले गत मङ्सिर ३० गतेसम्म पार्टी सदस्यता प्राप्त गरिसकेका वा पार्टी सङ्गठनमा आवद्ध रहेका पार्टी सदस्यलाई मात्र सङ्गठित पार्टी सदस्यता दिन सकिने व्यवस्था गरेको छ ।