अनरको एक्स सेभेन बी सार्वजनिक
![HONOR X7b Available Now HONOR X7b Available Now](https://www.arthikpati.com/wp-content/uploads/2024/03/HONOR-X7b-Available-Now-819x1024-1080x1350.jpg)
काठमाडौं । नेपालका लागि ग्लोबल टेक्नोलोजी ब्रान्ड अनरको आधिकारिक वितरक सेल्ट्रोन नेपालले अनर एक्स सेभेन बी सार्वजनिक गरेको छ ।
अनर एक्स नाइन बी र अनर एक्स एट बी सार्वजनिक गरेसँगै एक्स सिरिजमा अनर एक्स सेभेन बी मोडेल सार्वजनिक गरेको हो ।
६००० एमएएच ब्याट्री भएको अनर एक्स सेभेन बी ले सुपर पावर, ७२ आवोर ट्यागलाइन पाएको कम्पनीको भनाइ छ ।
के छन् विशेषताहरू ?
ब्याट्री
६००० एमएएच अल्ट्रा-लार्ज ब्याट्री भएको अनर एक्स सेभेन बीले डीएक्सओमार्कबाट ब्याट्रीमा गोल्ड लेबल पाएको छ, जसले एक चार्जमा ३ दिनसम्म ब्याट्री चल्नेछ । यसले आजसम्मका सबै अनर एक्स सेभेन बी सिरिजका स्मार्टफोनहरूमध्ये उत्कृष्ट ब्याट्री जीवन प्रदान गर्ने कम्पनीको दाबी छ ।
एकल चार्जमा, अनर एक्स सेभेन बीले १८ घण्टासम्मको भिडियो स्ट्रिमिङ, २४ घण्टा सोसल मिडिया ब्राउजिङ वा ६९ घण्टा संगीत स्ट्रिमिङलाई समर्थन गर्न सक्ने कम्पनीको भनाइ छ ।
क्यामेरा
अनर एक्स सेभेन बीले १/१.६७-इन्च सेन्सरको साथ १०८ एमपी मुख्य क्यामेराको गर्व गर्दछ। अनर एक्स सेभेन बीले १.९२µm मापनको पिक्सेल साइज प्राप्त गर्न ९-इन-१ पिक्सेल बिनिङलाई समर्थन गर्दछ, जसले कम प्रकाशको चुनौतीपूर्ण अवस्थामा पनि क्यामेरालाई उज्यालो र ज्वलन्त सटहरू खिच्न सक्षम पार्छ । अगाडि भने ८ एमपी सेल्फी क्यामेरा रहेको हुन्छ ।
प्रदर्शन र अडियो
९१.३ प्रतिशत स्क्रिन-टु-बडी अनुपातको साथ ६.८-इन्च अनर फुल भ्यू डिस्प्ले फिचर अनर एक्स७बीमा रहेको छ । यसले एफएचडी प्लस रिजोल्युसन र १६.७ मिलियन रंगहरूको रंग गहिराइलाई समर्थन गर्दछ । जसका कारण स्पष्टता र जीवन्त रंगहरूसँग दृश्यहरू प्रदान गर्दछ ।
मानव केन्द्रित टेक्नोलोजीमा ब्रान्डको प्रतिबद्धता प्रदान गर्दै अनर एक्स सेभेन बी सर्काडियन नाइट डिस्प्ले र डायनामिक डिमिङ लगायतका सुविधाले आँखालाई आराम दिन्छ र हानि गर्दैन । यसको अर्को पक्ष भनेको डुअल स्पिकरलाई सपोर्ट गर्छ ।
स्टोरेज र प्रदर्शन
अनर एक्स सेभेन बीमा २५६ जीबी विशाल स्टोरेज रहेको छ, जसले स्थानीय रूपमा ६० हजार तस्वीर, २४ हजार गीत वा ९५० एचडी भिडियोहरू राख्न सकिन्छ ।
अनर एक्स सेभेन बी मा अनर र्याम टर्बो (८ जीबी+८जीबी ) पनि छ, जुन अनर स्वामित्वको टेक्नोलोजी हो जसले फ्ल्यास मेमोरीको एक भागलाई र्याममा सार्न सक्छ, जसको अर्थ ८जीबी र्यामलाई १६जीबीमा बढाउन सकिन्छ। अनर एक्स सेभेन बी Qualcomm Snapdragon 680 ले सुसज्जित छ र एन्ड्रोइड १३ र म्याजिक ओएस ७.२ मा चल्छ।
कति पर्छ मूल्य ?
सेलट्रोन नेपालले अनर एक्स सेभेन बीको मूल्य (८+८)/२५६ जीबी भेरियेन्टको मूल्य २३ हजार ९९९ रुपैयाँ तोकेको छ भने अर्ली बर्ड अफर पनि घोषणा गरेको छ, जहाँ ग्राहकले अनर एक्स सेभेन बी २२ हजार ९९९ रुपैयाँमा प्राप्त गर्न सक्नेछन् ।
यो अफर ३१ मार्चसम्म मान्य हुनेछ । यो फ्लोइङ सिल्भर, इमराल्ड ग्रीन र मिडनाइट ब्ल्याक गरी तीन रंगहरूमा उपलब्ध रहेको छ ।