लघुवित्त पीडित र सरकारबीच ६ बुँदे सहमति
![laghu1-e1710499910726 laghu1-e1710499910726](https://www.arthikpati.com/wp-content/uploads/2024/03/laghu1-e1710499910726-1024x505-1024x585.webp)
काठमाडौं । आन्दोलनरत लघुवित्त पीडित र सरकारबीचको वार्ता ६ बुँदे सहमतिमा टुंगिएको छ । पीडितहरुको तर्फबाट पुनाराम (मनिराम) ज्ञवाली र सरकारी वार्ता टोलीको तर्फबाट वार्ता संयोजक नारायण प्रसाद रिसालले शुक्रबार सहमति पत्रमा हस्ताक्षर गरेका हुन् । सरकार र लघुवित्त पीडितबीच लघुवित्त कम्पनीहरुलाई सेवामुखी संस्था बनाउन आवश्यक अध्ययन गर्ने सहमति भएको छ ।
यस्तै, राष्ट्र बैंकको निर्देशन पालना नगर्ने लघुवित्तलाई कानुनी कारबाही गर्ने, ऋणीहरुलाई वित्तीय साक्षरता तथा सचेतना गराएर मात्र कर्जा प्रवाह गर्न पाउने, लघुवित्तको ब्याजदर, सेवा शुल्क कम गर्ने तथा कर्जा र निक्षेपको ब्याजदर अन्तर कम गर्ने, विभिन्न समस्यामा परेर ऋण तिर्न नसकेका ऋणीहरुको ऋण मिनाहा गर्नुपर्ने मागमा स्थलगत अध्ययन गरी प्रतिवेदन पेश गर्ने र लघुवित्त पीडितहरुले आन्दोलनका कार्यक्रम स्थगित गर्ने सहमति भएको हो ।
![](https://i0.wp.com/newsofnepal.com/wp-content/uploads/2024/03/l1.webp?resize=740%2C1044&ssl=1)
![](https://i0.wp.com/newsofnepal.com/wp-content/uploads/2024/03/l2.webp?resize=737%2C768&ssl=1)