राष्ट्रिय सभा अध्यक्षमा नारायण दाहाल निर्वाचित

काठमाडौं ।  राष्ट्रिय सभाको अध्यक्षमा नारायण दाहाल निर्वाचित भएका छन् । दाहालले प्रमुख प्रतिपक्ष दल नेपाली कांग्रेसका तर्फबाट उम्मेदवार बनेका युवराज शर्मालाई पराजित गरी निर्वाचित हुन सफल भए । मतदानमा ५६ जना सांसद उपस्थित थिए । 

 

जसमा दाहाललाई राष्ट्रिय सभा अध्यक्षमा निर्वाचित गरियोस् भन्ने प्रस्तावका पक्षमा ३९ मत पर्दा शर्माका पक्षमा भने १७ मत मात्र परेको थियो ।निर्वतमान अध्यक्ष गणेशप्रसाद तिमिल्सिना फागुन २० गते कार्यकाल सकेर बिदा भएपछि उक्त पद रिक्त रहेको थियो ।