एक्युजिसन अघिको ज्योति लाइफ इन्स्योरेन्सको नाफा जगेडा कोषमा राखिने

काठमाडौँ । सूर्या लाइफ इन्स्योरेन्स कम्पनीसँग एक्युजिसन (गाभिएको) हुनुभन्दा अघिको ज्योति लाइफ इन्स्योरेन्सको नाफा जगेडा कोषमा राखिने भएको छ । तत्कालीन ज्योति लाइफ इन्स्योरेन्स सूर्या लाइफ इन्स्योरेन्ससँग गाभिई गत वर्ष २०७९ पुस ७ गतेदेखि एकीकृत कारोबारमा गएका थिए । 

गत आर्थिक वर्षको पुस मसान्तसम्मको आर्थिक गतिविधि नाफा–नोक्सान हिसाब खाताबाट कम्पनीले केही नाफा आर्जन गरेकोमा उक्त नाफा एकीकृत कारोबार पछिको सूर्य ज्योति लाइफ इन्स्योरेन्सको जगेडा कोषमा राखिने भएको हो । 

२०८० फागुन १० गते बिहीबार बसेको कम्पनीको सञ्चालक समितिको ३६९ औँ बैठकले उक्त निर्णय गरेको हो । साथै, साबिक ज्योति लाइफ इन्स्योरेन्स कम्पनीको पुँजी, रिजर्भ, लगानी रकम, जीवन बीमा कोष लगायत सम्पूर्ण सम्पत्ति तथा दायित्व सूर्य ज्योति लाइफ इन्स्योरेन्समा समायोजन गर्ने निर्णय समेत गरेको छ ।