रिलायबल नेपाल लाइफ इन्सुरेन्सको लाभांश सुरक्षित गर्ने आज अन्तिम दिन
काठमाडौं । रिलायबल नेपाल लाइफ इन्सुरेन्सको लाभांश सुरक्षित गर्ने आज माघ १४ गते आइतबार अन्तिम दिन हो । साधारण सभा प्रयोजनका लागि माघ १५ गते बुक क्लोज गर्ने भएको छ । यसर्थ, लाभांश हात पार्न आजै सेयरधनी बनिसक्नुपर्नेछ । गत वर्षको नाफाबाट यस इन्सुरेन्सले १६% बोनस सेयर र कर तिर्न ०.८४% नगद गरी कुल १६.८४% लाभांश वितरण गर्दैछ ।
रिलायबल नेपाल लाइफले माघ २९ गते सातौं वार्षिक साधारण सभा बोलाएको छ । सभा लिसरा ब्यांक्वेट, ज्ञानेश्वर काठमाडौंमा बिहान ११ बजेबाट सुरु हुनेछ ।
