करोडौं रकम ठगी गरेर एक दम्पती फरार
![rana dampati rana dampati](https://www.arthikpati.com/wp-content/uploads/2024/01/rana-dampati-1024x538-1103x580.jpg)
बुटवल । बुटवलबाट एक दम्पतीले सर्वसाधारणसँग करोडौं रकम ठगी गरेर फरार भएका छन् ।
गोरखा ताक्लुङ् स्थाइ घर भएका ४० बर्षका छविलाल राना र उनकी श्रीमती बर्ष ३९ की जगमाया रानाले आकर्षक ब्याजको प्रलोभन देखिएर बुटवलका दर्जनौं मानिससँग १ करोड रुपैयाँ भन्दा बढि रकम ठगेर फरार भएका हुन ।
बुटवलमा रहेका आफन्त, साथीभाइसँग विभिन्न कामको लागि भन्दै करोडौं रकम जम्मागरेर राना दम्पती फरार भएका हुन् । फरार रहेका राना दम्पतीलाई यथाशीघ्र पक्राउ गरी कारबाहीको माग गर्दै पीडितले सञ्चारकर्मी गुहारेका छन् । सञ्चारकर्मीसँग कुरा गर्दै पीडितले न्याय पाउन धेरै ठाउँ धाए पनि कसैले सुनुवाइ नगरेको गुनासो गरेका छन् ।
ठगी गर्ने राना दम्पतीले सुरुसुरुमा आफ्नो समस्या देखाइ समाधान गर्न लगाउने र केही व्यक्तीलाई बैंक रकम नभएको (बाउन्स चेक) समेत दिएका छन् । सुरुमा १–२ लाख माग्ने र केही दिनपछि यति अरु दिएपछि मात्र पैसा आउने र दिने बहाना बनाउदै पैसा असुल्ने पीडितहरूको भनाइ छ ।
राना दम्पतीले घरजग्गा खरिद गर्ने, व्यापार व्यवसाय गर्र्नेे,आपत् प¥यो भनि बुटवल उपमहानगरपालिका – ८,सुख्खानगर बस्ने कल्पना ढकाल सँग ४० लाख , सैनामैना–९,बाँसगढी बस्ने सुनिता क्षेत्री सँग ३८ लाख, बुटवल उपमहानगरपालिका –१२ नयाँगाँउ बस्ने कोपिला कंडेल सँग २५ लाख रकम सापटी लिएका,मिना शर्मा सँग २ तोला सुन लिएको पीडितहरूले बताएका छन ।
राना दम्पतीेले आफ्नो पीडा देखाएर कोहीसँग सापटी, कोहीसँग व्याजमा गरी सिलसिलेबार ढंगबाट रकम उठाउँदै धेरैजनालाई ठगी गरेका छन् । राना दम्पतीले करोडौं रकम उठाएर फरार भएपछि पीडित व्यक्तिहरू न्यायको खोजीमा भौंतारिरहेका छन् ।