उद्योगका लागि चाँदी आयात खुल्ला गर्न आग्रह
![WhatsApp Image 2024-01-11 at 14.53.14_4a10496c WhatsApp Image 2024-01-11 at 14.53.14_4a10496c](https://www.arthikpati.com/wp-content/uploads/2024/01/WhatsApp-Image-2024-01-11-at-14.53.14_4a10496c-1024x576.jpg)
काठमाडौं । नेपाल सुनचाँदी ब्यवसायी महासंघले उद्योगहरुका लागि चाँदी आयात खुल्ला गर्न आग्रह गरेको छ । महासंघका अध्यक्ष माणिकरत्न शाक्यको नेतृत्वमा बिहिबार गएको प्रतिनिधीमण्डलले नेपाल राष्ट्र बैंकका गभर्नर महाप्रसाद अधिकारी सँग यस्तो आग्रह गरेको हो ।
महासंघका अध्यक्ष शाक्यले हाल कायम रहेको ब्यवस्थाले उद्योगी ब्यवसायीको लागत बढी पर्न गएको र त्यसले प्रतिष्पर्धी क्षमता घटाएकोले आयातको सिमालाई खुल्ला गर्नुपर्ने खाँचो औंल्याए । हाल एक पटकमा ६० हजार डलर सम्मको सिमामा रहेर चाँदी आायत गर्न पाउने ब्यवसस्था रहेको छ ।
उनका अनुसार महासंघको प्रतिनिधीमण्डलले खपतका आधारमा चाँदीको आयात खुल्ला गर्न केन्दिय बैंकको ध्यानाकर्षण गराएको हो ।
ब्यवसायीको आग्रहलाई सम्वोधन गर्दै गभर्नर अधिकारीले आफूले ब्यवसायीको मागलाई सकारात्मक रुपमा लिएको बताए । त्यसक्रममा राष्ट्र बैंकका डेपुटी गभर्नर द्धय निलम ढुङगाना, बमबहादुर मिश्र तथा महासंघका तर्फवाट उपाध्यक्ष पवनकुमार सोमानी, कार्यवाहक महासचिव किरणभाई बज्राचार्य, प्रवक्ता मनोजकुमार साह लगायतको उपस्थिति रहेको थियो ।