एनआइसी एसिया बैंकले फेरि घटायो ब्याजदर

काठमाडौं । एनआइसी एसिया बैंकले माघ महिनाको लागि ब्याजदर घटाएको छ । बैंकले बुधबार सूचना जारी गर्दै माघ १ गतेदेखि मुद्दति निक्षेपमा अधिकतम ८.०६५% ब्याजदर दिने जनाएको छ । बैंकले २४ महिनादेखि १८० महिनाको लागि उक्त ब्याजदर निर्धारण गरेको हो ।

 

पुस महिनामा बैंकको अधिकतम ८.६७% ब्याजदर दिंदै आएको छ । माघ महिनाको लागि यसले ३ देखि ६ महिनाको मुद्दति निक्षेपको ब्याजदर ६.२५०% निर्धारण गरेको छ । यस आधारमा मुद्दति निक्षेपमै बैंकले अधिकतम ८.०६५% र न्यूजतम ६.२५०% मात्र ब्याज दिने भएको छ ।

 

अहिले वित्तीय प्रणालीमा तरलता छेलोखेलो भएको अवस्था छ । तरलता व्यवस्थापन गर्न भन्दै केन्द्रीय बैंकले दिनहुँजसो बजारबाट पैसा खिचिरहेको छ । अन्तर बैंक ब्याजदर पनि सीमा भन्दा तल आएको छ । तर अझै पनि ब्याजदर महँगो भएकाले कर्जा प्रवाह हुन सकेको छैन । यही सन्दर्भमा माघदेखि लागू हुने गरी एनआइसी एसिया बैंकले पुनः ब्याजदर घटाएको हो ।