भारतीय विदेशमन्त्री जयशंकर काठमाडौंमा, नेपाल–भारतबीच दीर्घकालीन विद्युत् व्यापार सम्झौता हुँदै

नेपाल र भारतबीच बिजुली निर्यातसम्बन्धी दीर्घकालीन सहमतिपत्रमा हस्ताक्षर गर्ने कार्यक्रम रहेको छ ।

 

अबको १० वर्षमा १० हजार मेगावाट बिजुली निर्यात गर्ने पूर्वसहमति अनुसार आज हस्ताक्षर हुन लागेको हो । सम्झौतासँगै १० वर्षमा १० हजार मेगावाट विद्युत् निर्यातको बाटो खुल्नेछ । यसअघि प्रधानमन्त्री पुष्पकमल दाहाल प्रचण्डको भ्रमणका क्रममा गत जेठ १८ मा भारतीय समकक्षी नरेन्द्र मोदीले नेपालबाट १० वर्षमा १० हजार मेगावाट विद्युत् आयातको घोषणा गरेका थिए । 

 

भारतको मन्त्रीपरिषद्ले पनि गत भदौमा त्यससम्बन्धी प्रस्तावलाई स्वीकृति दिएको थियो ।  सरकारले आउँदो १२ वर्षमा कुल २८ हजार मेगावाट बिजुली उत्पादन गर्ने लक्ष्यसहितको ऊर्जा विकास रणनीतिसमेत बनाइसकेको छ । त्यसमा १३ हजार मेगावाट आन्तरिक खपतका लागि र १५ हजार मेगावाट भारतलगायतका देशमा निर्यात गर्ने लक्ष्य राखिएको छ ।