लुम्बिनीबाट ‘पिस टर्च’ काठमाडौं ल्याइयो
काठमाडौं । जलवायु परिवर्तन र यसले हिमालय क्षेत्रमा पारेको असरबारे अन्तर्राष्ट्रिय समुदायको ध्यानाकर्षण गराउन लुम्बिनीबाट सुरु भएको ‘पिस टर्च’ काठमाडौं ल्याइएको छ ।
नेपाल पर्वतारोहण संघले लुम्बिनीबाट पिस टर्चको यात्रा सुरु गरेको हो । यसलाई सगरमाथा क्षेत्रस्थित कालापथ्थरमा लैजाने योजना रहेको छ ।
आइतबार साँझ टर्चलाई स्वयम्भुनाथ र बौद्धमा परिक्रमा गराइएको छ । सो क्रममा संघका पदाधिकारी सहभागी भएका थिए ।
