नबिल बैंक र ग्रन्थ इलेक्ट्रिक भेहिकलबीच सम्झौता

काठमाडौं । नबिल बैंक र ग्रन्थ इलेक्ट्रिक भेहिकलबीच सम्झौता भएको छ । ग्रन्थ इलेक्ट्रिक भेहिकल प्रालि (एफडी मोटर्स) र नबिल बैंकबीच एफडी मोटर्स ब्राण्डका इलेक्ट्रिक स्कुटरहरू किन्न चाहने ग्राहकहरूलाई सरल र सहज रूपमा क्रेडिट कार्डमार्फत् कर्जा सुविधा पाउने विषयमा सम्झौता भएको हो । सम्झौताअनुसार कुनै पनि ग्राहकहरूले एफडी मोटर्सका सो रुमहरूमा गई आवश्यक पर्ने कागजात दिएर क्रेडिट कार्डमार्फत् किस्ता तिरेर इलेक्ट्रिक स्कुटरहरू खरिद गर्न सक्नेछन् ।

एफडी मोटर्सले हाल दुई ओटा मोडेलका इलेक्ट्रिक स्कुटरहरू बिक्री गर्दै आएको छ । जसमा एफ फाइभको मूल्य दुई लाख ६१ हजार नौ सय ९९ रुपैयाँ र एफ फाइभ ए को मूल्य दुई लाख ९७ हजार नौ सय ९९ रुपैयाँ रहेको छ । ग्रन्थ ईभीले एफ फाइब प्रो र एफ फाइब ए प्रो बिक्रीका लागि बजारमा ल्याउँदैछ । एफडी मोटर्स नेपालको स्कुटरमा प्रयोग भएको पाँच विशेषता र उपयुक्त मूल्यका कारण प्रयोक्ताहरूमाझ लोकप्रिय बन्न पुगेको छ ।