सिद्धि विनायक स्न्याक्स एण्ड नुडल्सको नयाँ ब्राण्ड गज्जबको मिठो बजारमा
सिद्धि विनायक स्न्याक्स एण्ड नुडल्स प्रा.लिले नयाँ ब्राण्ड गज्जबको मिठो चाउचाउ बजारमा ल्याएको छ। कम्पनीद्धारा उत्पादित गज्जबको पिरो चाउचाउको सफलता पछि कम्पनीले अर्को ब्राण्ड गज्जबको मिठो लिएर आएको हो ।
कम्पनीका अनुसार यो गज्जबको मिठो चाउचाउ बजारमा उपलब्ध अन्य चाउचाउभन्दा फरक स्वादमा उपलब्ध छ । यस चाउचाउमा कम्पनिले सिंगापुरको सिजनिंग प्रयोग भएको बताएको छ भने उपभोक्ताले नयाँ स्वाद लिन सक्ने पनि पनि कम्पनिको दावी छ ।
स्वादमा राम्रो, पौष्टिक र सबैको पहुँचमा हुने उत्कृष्ट गुणस्तरको चाउचाउ उत्पादन गर्ने उद्धेश्यले देशका प्रतिष्ठित उद्योगपतिको गौरवशाली नेतृत्वमा स्थापना भएको सिद्धि विनायक स्न्याक्स एण्ड नूडल्स प्रा.लिले आफ्नो फ्ल्यागसिप ब्राण्ड गज्जबको बजारमा ल्याई आफ्नो उद्यम सुरु गरेको छ र भविष्यमा यसको ब्रान्ड पोर्टफोलियोलाई थप विस्तार गर्ने योजना रहेको छ ।
उपभोक्ताको आवश्यकता पूरा गर्न र उनीहरूलाई उत्कृष्ट गुणस्तरको चाउचाउ उपलब्ध गराउन कम्पनीको प्लान्टमा असाधारण उच्च सुविधायुक्त मेसिनहरू उपलब्ध गराइएको छ। चाउचाउको बढ्दो मागलाई पूरा गर्न नेपाली उपभोक्ता र बजारको बदलिँदो स्वाद पूरा गर्ने कम्पनिको उद्धेश्य रहेको छ ।
