अभिनेता अनमोल केसी पक्राउ

काठमाडौं । अभिनेता अनमोल केसीलाई प्रहरीले पक्राउ गरेको छ । ठगीको आरोप लागेपछि प्रहरीले अनमोललाई भक्तपुरको साँगाबाट पक्राउ गरेको हो ।

चलचित्र रामायणकी निर्माता सुप्रिया कटुवालले अनमोलवरिुद्ध उजुरी दर्ता गरेकी हुन् । चलचित्र साइन गरेपनि कुनै सम्झौता नभएको बताएपछि निर्माताले उनीमाथि बानेश्वरस्थित प्रहरी अपराध महाशाखामा असोज ८ गते उजुरी दिएकी थिइन् ।

अनमोलले चलचित्र साइन गर्दा १० लाख एडभान्स लिएको सुप्रियाको भनाइ रहेको छ । सुदर्शन थापाको निर्देशनमा बन्न थालेको यस चलचित्र ‘रामायण’लाई छोडेर ‘फर्की फर्की’मा काम गर्ने पक्का भएपछि निर्माता कटुवालले उजुरी दिएको बताएकी छिन् । सोहि उजुरी परेपछि अनमोललाई प्रहरीले नियन्त्रण्मा लिएको हो ।