चितवनमा ‘लक्की फिल्मी अवार्ड २०८०’ हुने
भरतपुर । लक्की मिडिया हाउस, चितवनको आयोजनामा यही असोज पहिलो साता यहाँ फिल्मी अवार्ड हुने भएको छ।
‘लक्की फिल्मी अवार्ड २०८०’ का नामबाट मिडिया हाउसले फिल्मी अवार्डको कार्यक्रम सञ्चालन गर्न लागेको हो।
मोफसलमा रहेर पनि नेपाली सिने जगतको संरक्षण र जगेर्ना गर्नका लागि अवार्ड कार्यक्रम आयोजना गरिएको हो।
हाउसका महाप्रबनधक हरि कार्कीले पत्रकारहरूसँग कुराकानी गर्दै अवार्डको तयारी तीव्र पारिएकाे बताए।
अवार्डको कार्यक्रममा २४ विधामा कलाकारहरूलाई सम्मान गर्ने उनले जानकारी दिए।
‘असोज पहिलो सातामा कार्यक्रम गर्ने तयारीमा जुटेका छौं। मिति कलाकारहरूसँग बसेर तय गर्नेछौं। छिट्टै मिति घोषण हुन्छ’, उनले भने।
चितवनमा पहिलो पटक आयोजना गर्न लागिएको अवार्डका लागि आयोजकले प्रचार प्रसार र अन्तरक्रिया कार्यक्रमलाई तीब्र बनाएको छ।
विसं २०७१ सालमा चितवनमा स्थापना गरिएको लक्की मिडिया हाउसले मोफसलमा रहेर नेपाली सिनेमा बजारको प्रचार र यसको प्रवर्द्धनका लागि विभिन्न कार्यक्रमहरू गर्दै आएको छ।
