सनी देओलको फिल्म ‘गदर-२’ले रच्यो इतिहास, कति गर्यो कमाइ?
बलिउड अभिनेता सनी देओलको फिल्म ‘गदर-२’ ले हलमा राम्रो कमाइ गरिरहेको छ।
फिल्म समीक्षक तरण आदर्शले गदर- २ ले १५ अगस्टमा ऐतिहासिक कमाइ गरेको बताएका छन्।
उनका अनुसार फिल्मले मंगलबार स्वतन्त्रता दिवसमा ५५ करोड कमाएको छ। स्वतन्त्रता दिवसमा कुनै पनि फिल्मले यति धेरै पैसा कमाउन सकेका थिएनन्।
योसँगै ‘गदर-२’ को हालसम्म कुल कमाइ २२८ करोड नाघेको छ।
गदर-२ सँगसँगै ओएमजी-२ पनि रिलिज भएको छ। यो फिल्मले हलमा पनि राम्रो कमाई गरिरहेको छ।
गदर-२ फिल्म ११ अगस्टमा रिलिज भएकाे हाे। रिलिज भएदेखि नै फिल्मले दर्शकबाट राम्रो प्रतिक्रिया पाइरहेको छ।
सामाजिक सञ्जालमा शेयर भइरहेको भिडियोमा गदर-२ हेर्न हलमा दर्शकको भीड लागेको देख्न सकिन्छ।
गदर फिल्म सन् २००१ मा रिलिज भएको थियो र फिल्मले त्यतिबेला पनि राम्रो व्यापार गरेको थियो।
गदर-२ फिल्मका निर्देशक अनिल शर्मा हुन् र फिल्ममा सन्नी देवलकाे साथमा अमिषा पटेल, उत्कर्ष शर्मा मुख्य भूमिकामा छन्।
