भदौ ८ मा कर्मा र मेनुकाको `महानगर´
काठमाडौं । फिल्म ‘महानगर’ आगामी भदौ ८ गतेबाट प्रदर्शनमा आउने भएको छ । निर्माण टिमले फिल्मको पोस्टर सार्वजनिक गर्दै फिल्मको मितिबारे जानकारी गराएका हुन् ।
मोहन राईद्वारा निर्देशित फिल्म करिब ५ वर्ष अगाडि निर्माण भएको हो ।माउन्टेन रिभर फिल्मस् र गो विन् प्रोडक्सन्ससँगको सहकार्यमा मिडलवे फिल्म्सले निर्माण गरेको फिल्ममा अभिनेता कर्मा शाक्य, अभिनेत्री मेनुका प्रधान, अनोज पाण्डे, शोविता अधिकारी, जीवन बराल, परीक्षित विक्रम राणा, चन्द्र पाण्डेलगायतको पनि अभिनय छ ।
यो फिल्म पहिलो पटक सन् २०२१ मा ‘कलकत्ता फिल्म फेस्टिभल’मा वर्ल्ड प्रिमियर भएको ‘महानगर’ त्यसपछि अमेरिकाको ब्रुकलिन फिल्म फेस्टिभल र स्पेनमा एसियन फिल्म फेस्टिभलमा पनि प्रदर्शन भएको थियो ।
फिल्मको कार्यकारी निर्माता गोविन्द पराजुली र क्रियटिभ निर्माता नवनिधि दाहाल हुन् ।नरेन्द्र मैनालीको छायाङ्कन, परीक्षित झाको सम्पादन तथा पुष्पासंगमको संगीत फिल्ममा रहेको छ ।
