फ्याक्ट्स रिसर्चद्वारा ‘फ्याक्ट्स अफ नेपाल २०२३’ सार्वजनिक
काठमाडौं । फ्याक्ट्स रिसर्च एण्ड एनलाइटिक्स प्रालिले फ्याक्ट्स अफ नेपाल २०२३ पुस्तक सार्वजनिक गरेको छ । यो पुस्तक इन्फोग्राफिक संकलनको अत्यन्त सफल शृंखला फ्याक्ट्स अफ नेपालको आठौं संस्करण हो ।
यो संस्करणमा देशका सामाजिक, राजनीतिक, वातावरणीय, र आर्थिक क्षेत्रहरूको अवस्थाको बारेमा विस्तृत तथ्याङ्क र इन्फोग्राफिक्स समावेश छ ।
यो संस्करणमा २३ राष्ट्रिय र १९ अन्तर्राष्ट्रिय विषयहरू समेटिएका छन् । यसले पाठकलाई देशको आर्थिक, सामाजिक, राजनीतिक र विकास क्षेत्रहरूमा व्यापक ज्ञान र अन्तर्दृष्टि प्रदान गर्ने फ्याक्ट्स रिसर्चले विश्वास लिएको छ ।
स्वतन्त्र निजी अनुसन्धानमूलक कम्पनीको रुपमा रहेको फ्याक्ट्सले अनुसन्धान र विश्लेषणात्मक परियोजनाहरु सञ्चालन गर्दै आएकाे छ । साथै आफ्नो स्थापनाकाल (२०१२)देखि नै सामाजिक सञ्जाल र छापा माध्यम मार्फत् आमजनताका लागि दैनिक, साप्ताहिक र मासिक रूपमा सूचनामूलक तथ्याङ्कीय चित्रहरू प्रस्तुत गर्ने कार्य जारी राखेको छ ।
