प्रभु बैंकले उपलब्ध गरायो नुवाकोटका किसानलाई सहुलियतपूर्ण ऋण
काठमाडौं । प्रभु बैंक लिमिटेडले नुवाकोटको पञ्चकन्या गाउँपालिकाका युवा तथा महिला उद्यमी र साना किसानलाई सुलभ वित्तीय कर्जा उपलब्ध गराएको छ ।
५ साउन २०७९ मा हेफर इन्टरनेशनल नेपालसँग भएको सम्झौता अनुसार अनुशासित र आधारशिला सामाजिक उद्यमी महिला सहकारी संस्था लिमिटेडको सहकार्यमा किसानहरूलाई सहुलियतपूर्ण कृषि कर्जा उपलब्ध गराएको बैंकले जनाएको छ ।
बट्टारमा एक कार्यक्रमको आयोजना गरी ७ जना किसानलाई ४० लाख रुपैयाँको चेक हस्तान्तरण गरिएको बैंकले जनाएको छ ।
पञ्चकन्या गाउँपालिकाका अध्यक्ष तेजबहादुर तामाङ, हेफर इन्टरनेशनलका सह–निर्देशक प्रकाश कटुवाल, प्रभु बैंक लिमिटेडका ग्लोवल मार्केट्स प्रमुख सुजिन शाक्य र माइक्रो फाईनान्स विभाग प्रमुख प्रविनकुमार दहालले संयुक्त रुपमा उक्त चेक किसानहरुलाई हस्तान्तरण गरेका थिए ।
चेक हस्तान्तरण कार्यक्रममा अध्यक्ष तामाङले यस्तो खालको कर्जा किसानलाई निरन्तर रुपमा उपलब्ध गराउन बैंकसँग आग्रह गरे ।
हेफरले ४४ जिल्लाका करिब ४ लाख पिछडिएका गरिब परिवारहरुलाई सहयोग गर्दै साना किसानको दिगो जीविकोपार्जन विकासका लागि कार्यक्रम सञ्चालन गर्दै आएको छ ।
