ज्याक मा काठमाडाैंबाट फर्किए

काठमाडौं । विश्वका अर्बपति तथा अलिबाबाका सहसंस्थापक ज्याक मा नेपालबाट फर्किएका छन् । निजी भ्रमणका लागि मंगलबार काठमाडौं उत्रेका ज्याक मा बिहीबार फर्किएका हुन्।

बिहीबार दिउँसाे १२ बजे हङकङ बिजनेश एभिएसनको जहाज चार्टर्डबाट उनी  पाकिस्तान गएका हुन्। ज्याक मासँगै ७ जनाकाे टाेली काठमाडौं आएका थिए। ज्याक मा बंग्लादेशको ढाका हुँदै नेपाल आएका थिए। बोइङ ७३७ म्याक्स चार्टर्ड विमान चढेर २ बजेर ३० मिनेटमा त्रिभुवन अन्तर्राष्ट्रिय विमानस्थलमा नेपाल आइपुगेका थिए ।

काठमाडौंको द्वारिकाज होटलमा बसेका उनले कालिमाटी तरकारी बजार, बाैद्ध, भक्तपुर दरबार स्क्वायर, ठमेल तथा अन्य केहि ठाउँ घुमेका थिए ।