सफ्टवेरिकाले गर्यो ह्याक द बक्ससँगको सहकार्यमा ‘क्याप्चर द फ्लाग बुटक्याम्प २०२३’
काठमाडौं । सफ्टवेरिका कलेजले ह्याक द बक्ससँगको सहकार्यमा, उच्च प्रत्याशित “क्याप्चर द फ्लाग बुटक्याम्प २०२३” कार्यक्रम आयोजना गरेको छ। यस कार्यक्रमको मुख्य उद्देश्य साइबर सुरक्षा योग्यता र ज्ञान बढाउनको लागि एक अद्वितीय अवसर प्रदान गर्ने लक्ष्य राखिएको थियो।
यस कार्यक्रममा सहभागी विद्यार्थीहरुले वास्तविक–विश्व संग मिल्ने साइबर सुरक्षा परिदृश्यहरू जस्तै ह्याकर र डिफेन्डरहरू जस्तै सोच्ने र आफ्नो सीपहरू विकास गर्ने आवसर पाएका थिए। यो प्रतियोगिता दोस्रो र तेस्रो वर्षका विद्यार्थीहरूका लागि आयोजित गरिएको थियो, जसमा लगभग १५० सहभागीहरूले भाग लिने अपेक्षा गरिएको थियो।
यस कार्यक्रममा सम्मानित अतिथि वक्ताहरु र ह्याक द बक्स मिटअप मेन्टरहरु शिशिर सुवेदी, निर्मल थापा, सन्तोष भण्डारी र समिप पोखरेलको उपस्थिति रहेको थियो। यी अनुभवी सल्लाहकारहरूले सहभागीहरूलाई प्रेरित साथसाथै सीटीएफ प्रतियोगितामा उत्कृष्ट हुन आवश्यक पर्ने सीपहरूमा मार्गदर्शन पनि प्रदान गरेको कलेजले जनाएको छ।
