नेपाल लाइफद्वारा ६४ लाख २५ हजारको दावी भुक्तानी
काठमाडौं । नेपालको सर्वाधिक विश्वासिलो जीवन बीमा कम्पनी नेपाल लाइफ इन्स्योरेन्स कम्पनीले रू ६४ लाख २५ हजारको दावी भुक्तानी गरेको छ ।
टीकापुर न.पा.०१, कैलाली घर भएका बीमित नर बहादुर साउदको वैशाख १६ गते क्यान्सरका कारण असामायिक निधन भएको थियो । टीकापुरमा आयोजित एक कार्यक्रम बीच यस कम्पनीका प्रमुख कार्यकारी अधिकृत प्रवीण रमण पराजुलीले रू ६४ लाख २५ हजारको चेक मृतकले इच्छाइएको व्यक्ति ज्ञानु देवी साउद (श्रीमती) लाई हस्तान्तरण गरेका हुन् ।
आफ्नो जीवनकालमा स्व । नर बहादुर साउदले नेपाल लाइफ इन्स्योरेन्स क।लि टीकापुर शाखा कार्यालयबाट मिती २०७५ साल भदौ १३ गते रु.५० लाख बीमाङ्क भएको जीवन बीमा योजना लिएका थिए । बीमाङ्क बापतको रकम अन्तर्गत रु.५० लाख र बोनस बापत रु.१४ लाख २५ हजार गरी जम्मा रु.६४ लाख २५ हजार इच्छाइएको व्यक्ति (श्रीमती) लाई प्रदान गरिएको छ ।
कागजात प्राप्त भएको पाँच दिन भित्रनै कम्पनीले भुक्तानी गरेको हो । दावी प्रक्रियालाई चुस्त दुरुस्त, छिटोछरितो बनाउन कम्पनीले नविनतम प्रविधिको अधिकतम प्रयोग गर्दै आएको कुरा कम्पनीका प्रमुख कार्यकारी अधिकृत प्रवीण रमण पराजुलीले बताए ।
