नेपाल प्रहरी अस्पतालमा हिमालयन बैंकको नगद संकलन काउन्टर सञ्चालन
काठमाडौं । हिमालयन बैंक लिमिटेडले काठमाडौंको महाराजगञ्जस्थित नेपाल प्रहरी अस्पतालमा नगद संकलन काउन्टर सञ्चालनमा ल्याएको छ । दुवै पक्षबीच सम्झौता भएसँगै २१ वैशाखदेखि नगद संकलन काउन्टर सञ्चालनमा आएको बैंकले जनाएको छ ।
सम्झौता पत्रमा बैंकका प्रमुख कार्यकारी अधिकृत अशोकशमशेर राणा र अस्पतालका मेडिकल डाइरेक्टर डा. आशा सिंहले हस्ताक्षर गरे ।
बैंकले अस्पतालमा उक्त सेवा २४ सै घण्टा (सार्वजनिक बिदाका दिनहरुमा पनि) प्रदान गर्नेछ । उक्त सेवाबाट अस्पतालमा सेवा लिन आउने बिरामी एवं बिरामीका परिवार/आफन्तजन तथा अस्पतालका कर्मचारीहरुलाई सहज हुने विश्वास दुवै पक्षले गरेको छ ।
