उद्योग वाणिज्य महासंघको वरिष्ठ उपाध्यक्षमा अञ्जन श्रेष्ठ सर्वसम्मत , उमेशले गरे समर्थन

काठमाडौं । नेपाल उद्योग वाणिज्य महासंघको वरिष्ठ उपाध्यक्षमा अञ्जन श्रेष्ठ सर्वसम्मत भएका छन्। बिहिबार साझसम्मको छलफलपछि दोस्रा चरणको चुनावमा नजाने सहमति भएको हो ।

योसँगै उमेशलाल श्रेष्ठ ब्याक भएका छन । पूर्व अध्यक्ष, बरिष्ठ उपाध्यक्षलगायत सहितको बैठकले अन्जनको पक्षमा सहमति बनाएको हो।

महासंघमा आवद्ध भएको २० वर्षपछि उनको काँधमा वरिष्ठ उपाध्यक्षको जिम्मेवारी आइपुगेको छ। तीन वर्षको वरिष्ठ उपाध्यक्षको कार्यकाल बेतिथ गरेपछि उनी विधानतः अध्यक्ष बन्ने छन्। 

पहिलो चरणबाट रामचन्द्र संघई बाहिरिएपछि दोस्रो चरणको निर्वाचन दिउँसो २ बजे तोकिएको थियो। तर, अन्तमा दुवै पक्षबीच छलफल थियो ।  उनीहरुको छलफलका कारण मतदान समय ४ बजे सारिएको थियो। ४ बजेपनि निर्वाचन हुन सकेको थिएन। सघन छलफलपछि अन्जन र उमेशबीच सहमति बनेको हो।

तीन जना बरिष्ठ उपाध्यक्षका उम्मेद्वारले ५१ प्रतिशत नल्याएपछि निर्वाचन दोस्रो चरणमा जाने भएको थियो । निर्वाचन समिति अघिकृत लिलामणि पोखरेलले समग्रमा अञ्जन श्रेष्ठले ३७.९९ प्रतिशत , उमेशलाल श्रेष्ठलले ३१.९९ र रामचन्द्र ३०.४६ प्रतिशत मत पाएका थिए । ।

एसोसियट, जिल्ला नगर, बस्तुगतमा कस्ले कति पाए मत ?

नेपाल उद्योग बाणिज्य महासंघको एसोसियट तर्फ बरिष्ठ उपाध्यक्षका उम्मेद्वार रामचन्द्र संघईले ६१३ मत पाए । त्यसैगरी उमेशलाल श्रेष्ठले ४२४ मत पाएका छन भने अञ्जन श्रेष्ठले ५७५ मत पाएका छन । एसोसिटमा १६३० मत खसेकोमा आठ ओटा मत बदर भएको थियो ।

त्यस्तै नेपाल उद्योग बाणिज्य महासंघको बरिष्ठ उपाध्यक्ष जिल्ला नगर तर्फ अञ्जन श्रेष्ठले ४७ मत पाए । त्यस्तै रामचन्द्र संघईले ३९ मत पाउदा उमेशलालले भने २८ मात्रै मत पाए । जिल्ला नगरमा ११७ मतदाता थिए ।

त्यस्तै बस्तुगत तर्फको मत गणना गर्दा उमेशलाल श्रेष्ठले ६९ मत पाएका छन भने अञ्जन श्रेष्ठले ४१ र रामचन्द संघाईले १२ मात्रै मत पाए । बस्तुगत तर्फ २० प्रतिशत मतभार रहन्छ ।

यी हुन् एशोसिएट, जिल्ला नगर र वस्तुगततर्फ विजयी सदस्यहरु–