ओएसआर स्पोर्ट्सले एसीसी प्रिमियर कपको प्रत्यक्ष प्रसारण गर्ने
काठमाडौं । ओएसआर स्पोर्ट्सले एसीसी पुरूष प्रिमियर कपको प्रत्यक्ष प्रसारण गर्ने भएको छ ।
५-१८ वैशाखसम्म काठमाडौंमा हुने एसीसी प्रिमियर कपको प्रत्यक्ष प्रसारण ओएसआर स्पोर्ट्स (ओएसआर स्पोर्ट) को युट्युब च्यानलमा हेर्न पाइने भएको हो ।
एशियन क्रिकेट काउन्सिलले ओआरसी स्पोर्ट्स एसीसी प्रिमियर कपको डिजिटल स्ट्रीमिङ पार्टनर भएको जानकारी दिएको छ ।
एसीसी प्रिमियर कपमा नेपाल समूह ‘ए’ मा परेको छ । नेपालले उद्घाटन खेलमा मलेसियाको सामना गर्नेछ । नेपालले लिग चरणमा ओमनसँगै मलेसिया, साउदी अरेबिया र कतारको सामना गर्नेछन् ।
प्रतियोगिताका खेल त्रिवि क्रिकेट मैदान कीर्तिपुरमा र मुलपानी क्रिकेट मैदानमा हुने छन् ।
प्रतियोगिताको समूह ‘बी’ मा बहराइन, कुवेत, सिंगापुर, हङकङ र यूएई रहेका छन् । यो प्रतियोगिता जित्ने देश सिधै एशिया कपका लागि छनौट हुनेछ ।
