एफएनसीसीआईमा बढ्यो चुनावी सरगर्मी, रामचन्द्र संघईले घोषणा गरे प्यानल
काठमाडौं । उद्योग बाणिज्य महासंघका उपाध्यक्ष रामचन्द्र संघाईले बरिष्ठ उपाध्यक्ष पदको लागि आफ्नो टीम घोषणा गरेका छन । आइतबार राजधानीमा एक कार्यक्रममा उनले नयाँ ट्वीस्ट दिँदै प्यानल घोषणा गरेका हुन ।
संघईको टीममा महासंघ एसोसियट उपाध्यक्षको उम्मेदवारमा ज्योत्सना श्रेष्ठलाई अघि सारेका छन । संघाईको समूहबाट एसोसिएट उपाध्यक्षका उम्मेदवार बन्ने भनिएका सन्दीप अग्रवाललाई ब्याक गराएर ज्योत्सना उम्मेदवार बनेकी हुन ।
त्यस्तै संघईंले आफ्नो टीममा जिल्ला नगर तर्फ सुरकृष्ण बैद्यलाई उपाध्यक्षको उम्मेद्वार बनाएका छन । त्यसैगरी बस्तुगत तर्फबाट सकुन्तलाल हिराचन उम्मेदवार बनेका छन ।
बरिष्ठ उपाध्यक्षका अर्का प्रत्यासी उमेशलाल श्रेष्ठले टिम बनाए पनि प्यानल घोषणा गर्न सकेका छैनन् ।
