उपत्यका चक्रपथमा विद्युतीय बस सञ्चालन गर्न एक दर्जन विदेशी कम्पनीको प्रस्ताव
काठमाडौं। राजधानीको चक्रपथमा विद्युतीय बस सञ्चालन (र्यापिट ट्रान्जिट)को सम्भाव्यता अध्ययन गर्न विभिन्न मुलुकका १२ कम्पनीले प्रस्ताव पेस गरेका छन्।
सम्भाव्यता अध्ययनका लागि लगानी बोर्ड नेपाल (आइबिएन)ले पूर्वयोग्यता छनोटका (पिक्यु) लागि मागेको प्रस्तावमा चीन, भारत, बंगलादेश, पाकिस्तान र युरोपियनलगायतका एक दर्जन कम्पनीले आवेदन दिएका हुन्।
माघ २२ गते आह्वान भएको पिक्युको म्याद चैत ९ गतेसम्म थियो। आवेदन दिनेहरूमा भारत, चीन, बंगालादेशलगायतका कम्पनी रहेको बोर्डले जनाएको छ।
तर, कम्पनीको नाम भने लगानी बोर्डले खुलाएको छैन। १२ वटै कम्पनीको प्राविधिक मूल्यांकन सुरु भएकाले अहिले नाम सार्वजनिक गर्न नमिल्ने बोर्डको भनाइ छ।
