नाट्टा सचिवालयमा लगाईएको ताला खुलाईयो

काठमाडौँ । नेपाल एसोसिएशन अफ टुर एण्ड ट्राभल एजेन्ट्स(नाट्टा) सचिवालयमा गत शुक्रबारदेखि लगाईएको ताला खुलाईएको छ ।

नाट्टा नेपालको पर्यटन प्रवद्धन र पर्यटन व्यवसायीहरुको हित संरक्षण गर्न स्थापित अग्रणी संस्था रहेको सबैलाई जानकारि नै छ । नाट्टा सचिवालयमा तालाबन्दि पछि नाट्टा कार्यसमिति र संयुक्त पर्यटन ट्रेड युनियन फोरमका प्रतिनिधिहरुबीच चारपटक वार्ता सम्पन्न भएपनि कुनै ठोस निष्कर्ष निस्कन नसकेको अवस्थामा वार्ता चलिरहने तर, समस्या समाधानमा तत्परता नदेखाउने क्रमजारी रहँदा नाट्टाको क्यालेन्डर अनुसारका महत्वपूर्ण पर्यटन प्रवद्धनात्मक कार्यहरु स्थगित हुन पुगेको भन्दै नाट्टाले ताला खुलाएको हो ।
कोभिड १९ पछि भर्खरै सुचारु हुनलागेको पर्यटन व्यवसायमा यस प्रकारका घटनाबाट स्वदेश तथा विदेशमा नकारात्मक सन्देश गई नेपालको पर्यटन विकासमा समेत दिर्घकालीन क्षति पुग्ने अवस्था सिर्जना भएकोले नाट्टा कार्यसमितिको निर्णय बमोजिम स्थानिय निकायका प्रतिनिधि, प्रहरी प्रशासन र संचारकर्मीहरुको रोहवरमा नाट्टा कार्यालयमा लगाइएको ताला खोलेर प्रशासनिक कार्यलाई सुचारु गरिएको नाट्टाले जनाएको छ ।

नाट्टाका अध्यक्ष रमेश थापाको हस्ताक्षरमा जारि प्रेस विज्ञप्तिमा विगत केही समय देखि संयुक्त पर्यटन ट्रेड युनियन फोरमका नाममा विविध मागहरु राखेकोमा नाट्टाले आपूmसंग सम्बन्धित मागहरु पुरा गर्न सम्बन्धित सबै पक्षसंग छलफल गरि समस्या समाधान गर्न प्रयासरत गर्दागर्दै आपूmसंग असम्बन्धित मागहरुका सम्बन्धमा गत २५ फागुनमा नाट्टा सचिवालयमा वार्ता चलिरहेको अवस्थामा फोरमका प्रतिनिधिहरु अकस्मात वार्ता छाडी तालावन्दी गरिएकोप्रति दुःख लागेको उल्लेख छ ।

पर्यटन व्यवसायमा भएका यस्तो गतिविधीबाट स्वदेश तथा विदेशमा नकारात्मक सन्देश गई नेपालको पर्यटन विकासमा समेत दिर्घकालीन क्षति पुग्ने अवस्था सिर्जना भएकोले नाट्टा कार्यसमितिको निर्णय बमोजिम स्थानिय निकायका प्रतिनिधि र प्रहरी प्रशासनको रोहवरमा ताला खोलिएको नाट्टाले जनाएको छ ।

यस्ता समस्याको समाधान वार्ता र छलफलबाटमात्र सम्भव हुने कुरा पुन स्पष्ट पार्दै संयुक्त पर्यटन ट्रेड युनियन सम्बद्ध प्रतिनिधिहरु लगायत सरोकारवालाहरुलाई सौहाद्रपूर्ण वातावरणमा समस्या समाधान गर्न नाट्टा सधै तत्पर रहेको नाट्टाले जनाएको छ ।
यसैगरि, नाट्टाले सोहि विज्ञप्ति मार्फत विगत केहीदिनदेखि नाट्टा सचिवालयको काम अवरुद्ध हुंदा नाट्टाका सदस्य, सेवाग्राही तथा सर्वसाधारणलाई पर्न गएको असुविधाप्रति दुःख व्यक्त गर्दछौं भनेको छ ।