सीड फाइनान्सियल एकेडेमीको एसीसीएको दीक्षान्त समारोह |
काठमाडौं । सीड फाइनान्सियल एकेडेमी नेपालमा एसीसीए (एसोसिएसन अफ चार्टर्ड सर्टिफाइड एकाउन्टेन्ट्स) योग्यताको गोल्ड स्वीकृत लर्निङ पार्टनरले नेपालमा एसीसीए स्नातक (ग्रेजुएट)का लागि काठमाण्डौमा औपचारिक रुपमा दीक्षान्त समारोह आयोजना गरेको छ।
दीक्षान्त समारोहमा २३ जना स्नातकहरुले एसीसीए प्रमाणपत्र र डिग्रीहरु प्राप्त गरेका थिए। जुन लेखा र वित्तको क्षेत्रमा विश्वव्यापी रुपमा मान्यता प्राप्त र उच्च मूल्यवान छन्। स्नातकहरुलाई सीड फाइनान्सियल एकेडेमीका सीईओ अनन्त गौतमले बधाइ दिनुका साथै उनीहरुको यस उपलब्धिमा आफू निकै गौरवान्वित र हर्षित भएको कुरा पनि व्यक्त गरे।
गौतमले वर्तमान व्यापारिक क्षेत्रमा एसीसीए योग्यताको महत्त्वमा जोड दिँदै स्नातकहरुलाई आफ्नो ज्ञान र सीपको प्रयोग गरी नेपालको आर्थिक विकासमा योगदान दिन प्रोत्साहित गरे। उनले भने, ‘सीड फाइनान्सियल एकेडेमी गुणस्तरीय शिक्षा प्रदान गर्न र हाम्रा विद्यार्थीहरुलाई आफ्नो करियरमा उत्कृष्ट तयार पार्न प्रतिबद्ध छ।’
प्रमुख अतिथिका रुपमा कार्यक्रममा एसीसीए नेपालका प्रमुख रविन कटवालको उपस्थिति रहेको थियो। जसले लेखा शिक्षामा उत्कृष्टता प्रवर्द्धन गर्नका लागि स्नातक र सीड फाइनान्सियल एकेडेमीको प्रयासको प्रशंसा गनगरे। कटवालले भने, ‘नेपालमा एसीसीए योग्यताको वृद्धि र सीड फाइनान्सियल एकेडेमीले दक्ष र योग्य जनशक्ति उत्पादन गर्न गरेका प्रयासहरु देख्न पाउँदा खुसी लागेको छ।’
लेखा र वित्तको क्षेत्रमा गुणस्तरीय शिक्षा प्रदान गर्दै आएको सीड फाइनान्सियल एकेडेमीले नेपालमा एसीसीए योग्यताको प्रवर्द्धनमा महत्वपूर्ण योगदान गरेको छ साथसाथै देशमा एसीसीए योग्यता प्रवर्द्धन गर्न कार्यशाला र सेमिनारहरु आयोजना गर्न पनि सक्रिय रुपमा संलग्न छ।
दीक्षान्त समारोह एसीसीए समुदाय र आफ्ना विद्यार्थीहरुलाई उत्कृष्ट शिक्षा प्रदान गर्न प्रयासरत रहेको सीड फाइनान्सियल एकेडेमीका लागि गर्वको क्षण थियो।
