एनआईसी एशिया बैंकका ग्राहकलाई केड कम्पनीमा किनमेल गर्दा २० प्रतिशत छुट |
काठमाडौं । एनआईसी एशिया बैंकका ग्राहकहरुले काठमाडौंको दरबारमार्गस्थित दरबार मलमा रहेको केड कम्पनी प्रालिमा सामान खरिद गर्दा विशेष छुट पाउने भएका छन् । केड कम्पनीमा सामान खरिद गरेबापत डिजिटल भुक्तानी गर्दा २० प्रतिशतसम्म छुट पाउने समझदारी भएको छ ।
समझदारीपत्रमा एनआईसी एशिया बैंकका लाइफ स्टाइल बैंकिङ युनिभर्स प्रमुख श्यामप्रसाद लामिछाने र केड कम्पनीका प्रबन्ध निर्देशक डिप्रिना शाक्यले हस्ताक्षर गरे ।
सम्झौता अनुसार एनआईसी एशिया बैंकका मोबाइल एप, डेबिट कार्ड, क्रेडिट कार्ड वा प्लाटिनम कार्ड प्रयोगकर्ताहरुले केड कम्पनीमा सामान खरिद गरेबापत डिजिटल भुक्तानी गर्दा २० प्रतिशत छुट प्राप्त गर्ने छन् । बैंकका कर्मचारीहरुले भने २५ प्रतिशत छुट पाउने सम्झौता भएको छ ।
