याडिया स्कुटरमा ३० हजार नगद सहित एक वर्षको रोड ट्याक्स छुट |
काठमाडौं । याडिया स्कुटरको आधिकारिक वितरक कुजु नेपालले जुनसुकै व्रान्डको पुरानो मोटरसाइकल तथा स्कुटरसंग याडियाको व्रान्ड न्यू इलेक्ट्रिक स्कुटर एक्सचेन्ज गर्न मिल्ने स्किम ल्याएको छ ।
सो स्किमसंगै कम्पनीले याडीया स्कुटरको खरिदमा ३० हजार नगद छुट दिने वताएको छ । साथै फाइनान्स सुविधामा खरिद गर्न चाहने ग्राहकले ६.९९ प्रतिशत व्याजदरमा मासिक किस्ता भुक्तानी गर्नेगरी यी स्कुटर खरिद गर्न सक्नेछन् । ग्राहकले एक आर्थिक वर्षको रोड ट्याक्स समेत निशुल्क पाउने छन् ।
याडियाको हाल नेपाली बजारमा ८० किलोमिटर रेन्ज प्रदान गर्ने सि१एस र जी५ मोडल तथा ६० किलोमिटर रेन्जको एस लाइक स्कुटर उपलब्ध छन् । यी स्कुटरको मूल्य क्रमश ३ लाख ७० हजार, ३ लाख ५० हजार र २ लाख ५५ हजार रुपैयाँ निर्धारण गरिएको छ ।
यी स्कुटरको विक्री वितरण र विक्री पछिको सेवा उपलब्ध गराउन कम्पनीले काठमाडौं सहित पोखरा, चीतवन, दाङ, वुटवल, ललितपुर र भक्तपुरमा डिलर नेटवर्क स्थापना गरेको छ ।
निकट भविष्यमा विर्तामोड, दमक, धरान, इटहरी, विराटनगर, लहान, जनकपुर, हेटौडा, भैरहवा, नेपालगन्ज, महेन्द्रनगर र धनगढीमा नयाँ आउटलेट संचालन गर्ने तयारी गरिरहेको छ ।