गोल्डेन ओकले ६ शहरमा कमेडी यात्रा आयोजना गर्दै |
काठमाडौं । नेपालको लोकप्रिय ब्राण्ड गोल्डेन ओक ब्लेन्डेड माल्टले देशका ६ शहरमा १५ मंसिरदेखि कमेडी यात्रा सञ्चालन गर्ने भएको छ ।
गोल्डेन ओकका अनुसार १५ मंसिरमा गाइघाटमा, १६ मंसिर मलंगवामा, १७ मंसिरमा वीरगञ्जमा १८ मंसिरमा चन्द्रपुरमा, १९ मंसिरमा टाँडीमा र २० मंसिरमा नारायणगढमा कमेडी यात्रा आयोजना हुनेछन् ।
नेपालीहरुलाई हाँसोको नौलो संगालो दिने क्रममा गोल्डेन ओकको यो कमेडी यात्रा श्रावण महिनमा विर्तामोड, दमक, इटहरी, विराटनगर र धरानमा सफलता पूर्वक सम्पन्न भएको थियो ।
गोल्डेन ओकले १५ मंसिरदेखि आयोजना गर्न लागेको कमेडी यात्रामा जितु नेपाल, सुरेन्द्र केसी, मिलन नेवार, निरज नेपाल, सुमन कार्की र शिव शंकर रिजालले प्रस्तुति प्रस्तुत दिने कम्पनीले जनाएको छ ।
