आर्थिक वृद्धिदर ५.८ र मूल्य वृद्धि ६.३ प्रतिशत हुने विश्व बैंकको प्रक्षेपण |
काठमाडौं । नेपालको आर्थिक वृद्धिदर ५.८ प्रतिशत हुने विश्व बैंकले प्रक्षेपण गरेको छ । सन् २०२२ मा नेपालको आर्थिक वृद्धिदर ५.८ प्रतिशत हुने प्रक्षपण गरेको हो । ‘नेपाल डेभलपमेन्ट अपडेट, अक्टोबर २०२२’ प्रतिवेदन सार्वजनिक गर्दै विश्व बैंकले यसवर्ष स्थिर बजार मूल्यका आधारमा कूल गार्हस्थ्य उत्पादन (जिडिपी) मा ५.८ प्रतिशत प्रतिशतले बढ्ने अनुमान हो । सन् २०२३ मा ५.१ प्रतिशत र सन् २०२४ मा ४.९ प्रतिशतले जिडिपी वृद्धि हुने विश्व बैंकको अनुमान रहेको छ ।
सन् २०२२ को मुद्रास्फीतिदर ६.३ रहने अनुमान गरेको छ । सन् २०२३ मा ५.५ र सन् २०२४ मा ५.३ मूल्यवृद्धि रहने प्रक्षेपण विश्व बैंकको छ । चालु आव २०७९र८० को बजेटमार्फत नेपाल सरकारले मूल्य वृद्धिलाई ७प्रतिशतको सीमाभित्र राख्ने लक्ष्य राखेको छ ।
सन् २०२२ को मुद्रास्फीतिदर छ दशमलव तीन प्रतिशत रहने आकलन विश्व बैंकको छ । सन् २०२३ मा पाँच दशमलव पाँच र सन् २०२४ मा पाँच दशमलव तीन प्रतिशत मूल्यवृद्धि रहने प्रक्षेपण विश्व बैंकको छ । चालु आव २०७९/८० को बजेटमार्फत सरकारले मूल्य वृद्धिलाई सात प्रतिशतको वाञ्छित सीमाभित्र राख्ने लक्ष्य राखेको छ ।
कृषि, उद्योग र सेवा क्षेत्रमध्ये यसवर्ष उद्योग क्षेत्रको वृद्धिदर उच्च रहने आकलन पनि विश्व बैंकको छ । सन् २०२२ मा कृषि क्षेत्रको वृद्धिदर दुई दशमलव तीन प्रतिशत, उद्योग क्षेत्रको वृद्धिदर १० दशमलव दुई प्रतिशत र सेवा क्षेत्रको वृद्धिदर पाँच दशमलव नौ प्रतिशत रहने अनुमान गरिएको छ । सन् २०२३ मा भने यी क्षेत्रको वृद्धिदर क्रमशः दुई, आठ दशमलव नौ र पाँच दशमलव छ प्रतिशतले बढ्ने अनुमान गरिएको छ ।
सन् २०२२ मा वस्तु तथा सेवाको निर्यात ३५ प्रतिशतले र आयात १५ प्रतिशत बढ्ने अनुमान छ । सन् २०२३ र २०२४ मा भने निर्यात क्रमशः २० दशमलव २३ र १८ दशमलव ०४ प्रतिशतले बढ्ने प्रक्षेपण गरिएको छ । आगामी दुई वर्षको आयात वृद्धिदर भने तीन दशमलव नौ प्रतिशत र चार दशमलव एक प्रतिशत रहने अनुमान गरिएको छ ।
