बैंककमा ह्वावे कनेक्ट-२०२२ सुरु |

बैंकक । बैंककमा ह्वावे कनेक्ट २०२२ सुरु भएको छ । कार्यक्रममा ह्वावेका रोटेटिंग अध्यक्ष केन हुले अनलिश डिजिटलका बारेमा आफ्नो धारणा राखेका थिए । केन हुका अनुसार संगठनहरूले लिपफ्रग विकासका लागि डिजिटल स्मार्ट टेकलाई भविष्यको रूपमा अँगाल्नुपर्नेमा जोड दिए । ह्वावे क्लाउडले क्लाउडमा लेटेस्ट एआई, एप्लिकेसन विकास र ठूला डेटा प्रविधिहरू र विकास उपकरणहरू ल्याउन २४० भन्दा बढी सेवाहरू र ५० हजार भन्दा बढी एपीआईएर एकीकृत गरेको उनले बताए । ह्वावे क्लाउडको इनोभेसन र विशेषज्ञताले संस्थाहरूलाई क्लाउडमा छिटो र राम्रोसँग सार्न थप मद्दत गर्ने उनको भनाइ थियो ।

कार्यक्रममा ह्वावे क्लाउडका प्रमुख कार्यकारी अधिकृत चाङ पिंगआनले इन्डोनेसिया र आयरल्याण्डमा नयाँ क्षेत्रहरू सुरु गर्ने योजनाबारे आफ्नो धारणा राखेका थिए । ह्वावेले दिने सेवाबारे पुनः प्रतिबद्धता जाहे गर्दै उनले ‘गो क्लाउड, गो ग्लोबल’ इकोसिस्टम योजनाको अनावरण गरे ।

ह्वावे क्लाउडको ग्लोबल मार्केटिङ एण्ड सेल्स सर्भिसका अध्यक्ष ज्याकलिन शिले ह्वावे क्लाउडले क्लाउड नेटिभ, एआई विकास, डाटा गभर्नेन्स, डिजिटल कन्टेन्ट, सफ्टवेयर डेभलपमेन्ट र MacroVerse aPaaS समेटेर विश्वभर १५ भन्दा बढी इनोभेसनहरू लन्च गर्ने जानकारी दिए ।

कम्पनीका अनुसार ह्वावे क्लाउड एउटा विश्वव्यापी नेटवर्क निर्माण गर्न प्रतिबद्ध रहेको र जसले ह्वावे क्लाउड सेवाहरू विश्वको जुनसुकै ठाउँबाट ५० मिलिसेकेन्ड भित्र पहुँच गर्न अनुमति दिन्छ । उद्यमहरूले अब आफ्नै डेटा केन्द्रहरू निर्माण गर्न आवश्यक पर्दैन । ह्वावे क्लाउडले इन्डोनेसिया र आयरल्याण्डमा नयाँ क्षेत्रहरू सुरू गर्नेछ । यस वर्षको अन्त्यसम्ममा ह्वावे क्लाउडले १७० भन्दा बढी देश र क्षेत्रहरूलाई समेट्ने २९ क्षेत्र र ७५ वटा उपलब्धता क्षेत्रहरू प्रयोग गरिसकेको हुने कम्पनीको भनाइ छ ।

सबै एक सेवामा ध्यान केन्द्रित गर्दै ह्वावे क्लाउडले १७० भन्दा बढी देश र क्षेत्रहरूमा सेवाहरूमा प्राप्त गरेको स्थानीय अनुभव, साथै प्रमुख क्षेत्रहरूमा व्यवसाय र उद्योगहरूको अन्तरदृष्टि सेयर गर्ने र यसको प्रविधि र सोलुसन विश्वव्यापी पारिस्थितिक प्रणालीमा योगदान दिने कम्पनीको भनाइ छ । यस्तो प्रयासले थप उद्यमहरूलाई क्लाउडलाई राम्रोसँग प्रयोग गर्न र विश्वव्यापी रूपमा अझ सफलतापूर्वक जान मद्दत गर्नेछ ।

कार्यक्रममा ज्याकलिन सीले सीसीई टर्बो, युबीक्वटस क्लाउड नेटिभ सर्भिस, पांगु वेभ मोडल, डेटाआर्ट लेकफर्मेशन, भर्चुअल लाइभ, कोडचेक र क्लाउडटेस्ट, कूमेसेज, कूसर्च र कूग्यालरी सहित १५ इनोभेटिभ ह्वावे क्लाउड सेवाहरूबारे धारणा राखेका थिए ।

ह्वावे क्लाउड विश्वव्यापी डिजिटल इकोसिस्टम निर्माण गर्न “स्थानीय द्वारा, स्थानीयका लागि”को दृष्टिकोणमा अडिग रहेको र आगामी तीन वर्षमा ह्वावे क्लाउडले लागत अप्टिमाइजेसन, प्राविधिक सहयोग, उद्यमशीलता तालिम र अन्य व्यापारिक स्रोतहरू सहित विश्वभरका कम्तीमा १० हजार आशाजनक स्टार्टअपहरूलाई समर्थन प्रदान गर्ने कम्पनीले बताएको छ । एशिया प्यासिफिक क्षेत्रका १२० भन्दा बढी उद्यमहरू ह्वावे क्लाउड स्टार्टअप कार्यक्रममा सामेल भएको कम्पनीले बताएको छ ।