२४ घण्टामा ८१४ जना कोरोना संक्रमित थपिए |
काठमाडौं । पछिल्लो २४ घण्टामा देशभरमा ८१४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार कुल नमुना परीक्षण गर्दा सो संख्यामा पुष्टि भएको हो । जसमध्ये २ हजार ७६२ पीसीआर परीक्षणमा ५०९ जना र २ हजार ६५३ एन्टिजेन परीक्षणमा ३०५ जनामा कोभिड १९ पाइएको हो ।
मंगलबार २९९ जनाले कोरोना जितेका छन् । लगातार केहि दिनयता कोरोनाका कारण संक्रमितको निधन भएपनि आज भने निधन हुने संक्रमित शुन्य रहेको छ ।
आज थपिएका संक्रमितमध्ये काठमाडौंका २५३ जना, ललितपुरका ३६ जना र भक्तपुरका २४ जना छन् ।
हाल देशभरमा सक्रिय संक्रमित पाँच हजार १४४ जना रहेका छन् ।
